స్వీటీ సినిమా.. మళ్ళీ వాయిదానే..

స్వీటీ అదేనండి మన అనుష్క చాలా కాలం తర్వాత స్క్రీన్ మీద కనిపించనుంది.  మిస్ శెట్టి మిస్టర్ పొలిశెట్టి సినిమా తర్వాత ఆమె  త్వరలోనే మన ముందుకు రానున్నారు. చాలా కాలం తర్వాత అనుష్క సినిమా వస్తుండటంతో అందరూ ఎంతో ఆశగా ఎదురుచూస్తున్నారు. ఆమెను స్క్రీన్ మీద ఎప్పుడెప్పుడు చూద్దామా అని వెయిట్ చేస్తున్నారు. ఈ సినిమాలో అనుష్క సరసన నవీన్ పొలిశెట్టి నటిస్తున్నాడు. సినిమా టైటిల్ దగ్గర నుంచి క్యారెక్టర్ల వరకు చాలా ఇంట్రెస్టింగ్ గా డిజైన్ చేశారు.కాగా నిజానికి ఈ సినిమాను ఈ నెల 26వ తేదీనే విడుదల చేయాల్సి ఉంది. కానీ కొన్ని కారణాల చేత సినిమా విడుదల తేదీని వాయిదా వేశారు. మేలో రావాల్సిన సినిమాని జూన్ చివరి వారంలో కానీ జులై మొదటి వారంలో కానీ విడుదల చేయడానికి ప్లాన్ చేస్తున్నారు. దీంతో అనుష్క అభిమానులు నిరాశకు గురౌతున్నారు. స్వీటీని చూడటానికి ఇంకా అంత కాలం వెయిట్ చేయాలా అని డీలా పడిపోతున్నారు. ఇంకొంత మంది మాత్రం.. ఇంతకాలం ఎదురుచూశాం. ఇంకొంత ఆగలేమా అని సర్ధిచెప్పుకుంటున్నారు.

ఇదిలా ఉండగా ఈ సినిమాకు సంబంధించిన టీజర్ ని ఇటీవల విడుదల చేశారు. కొత్త గా ఉన్న ఈ మూవీ టీజర్ అందరినీ విపరీతంగా ఆకట్టుకుంటోంది. ఇదే విషయాన్ని మెగా పవర్ స్టార్ రామ్ చరణ్ కూడా చెప్పడం విశేషం. మిస్ శెట్టి మిస్టర్ పోలిశెట్టి టీజర్ గురించి ట్వీట్ చేస్తూ చిత్ర యూనిట్ ని సర్ప్రైజ్ చేశారు. తనకు టీజర్ చాలా బాగా నచ్చింది అంటూ సోషల్ మీడియాలో షేర్ చేశాడు.

మిస్ శెట్టి మిస్టర్ పోలిశెట్టి టీజర్ నాకు చాలా బాగా నచ్చింది. రెప్రెషింగ్ గా అనిపిస్తోంది. చిత్ర యూనిట్ కి గుడ్ లక్ అని ట్వీట్ చేశారు. రామ్ చరణ్ ట్వీట్ తో ప్యాన్స్ పండగ చేసుకుంటున్నారు. అనుష్క సినిమాకి చరణ్ సపోర్ట్ ఇవ్వడంతో అందరూ ఆనందం వ్యక్తం చేస్తునన్ారు.

పి మహేష్ దర్శకత్వంలో యువి క్రియేషన్స్ బ్యానర్ లో తెరకెక్కుతున్న ఈ చిత్రంపై మంచి అంచనాలు ఉన్నాయి. యంగ్ హీరో సరసన అనుష్క శెట్టి జత కట్టడంతో సర్వత్రా ఆసక్తి నెలకొంది. వీరిద్దరి మధ్య కెమిస్ట్రీ ఇలా ఉండబోతోంది.. అసలు ఈ చిత్రంలో అనుష్క గ్లామర్.. నవీన్ కామెడీ టైమింగ్ ఎలా ఉండబోతున్నాయి అనే ఉత్కంఠ ఆడియన్స్ లో ఉంది. ఇటీవల టీజర్ విడుదల చేయగా అది కాస్తా వైరల్ గా మారింది. నవీన్ అనుష్క మధ్య కెమిస్ట్రీ చాలా కొత్తగా అనిపిస్తోంది.